Улады не дазволілі правядзенне Марша ў абарону жыцця ненароджаных дзяцей і традыцыйных сямейных каштоўнасцяў - ліст Мінгарвыканкама
- Written by katolik-gomel.by
- Published in Навіны - Гомель
- Comments (1)
Акцыю маюць намер перанесці на травень 2014 года і звярнуць увагу беларускага грамадства і ўрада да неабходнасці замацаваць заканадаўча поўную абарону жыцця.
Запланаваны ў Мінску на 21 верасня агульнанацыянальны марш у абарону жыцця і сям'і пад дэвізам «За жыццё, за сям'ю, за дзяцей» не адбудзецца. Чакалася, што сотні беларускіх хрысціянскіх сем'яў выйдуць на вулічную акцыю, каб прыцягнуць увагу да праблемы абортаў, абароны жыцця ненароджаных дзяцей і абароны традыцыйных сямейных каштоўнасцяў.
Як паведамілі katolik-gomel.by арганізатары, з Мінгарвыканкама прыйшоў ліст, у якім сказана, што пададзеная заява аб правядзенні маршу «не адпавядае патрабаванням артыкулаў 5 і 9 закона «Масавых мерапрыемствах у Рэспубліцы Беларусь», таму Мінскі гарвыканкам не дазваляе правядзенне мерапрыемства».
- Канкрэтныя прычыны адмовы так і не патлумачылі. Тое, што знаходзіцца ў лісце - гэта проста адпіска, бо месца правядзення і маршрут мы ўзгаднілі загадзя нават са службай бяспекі прэзідэнта. Будзем змагацца за тое, каб правесці марш будучай вясной, - адзначылі арганізатары.
Нагадаем, правядзенне маршу дабраславілі каталіцкі Мітрапаліт Мінска-Магілёўскі арцыбіскуп Тадэвуш Кандрусевіч і праваслаўны Мітрапаліт Мінскі і Слуцкі, Патрыяршы Экзарх усяе Беларусі Філарэт. Удзел у акцыі планавалі каталікі, праваслаўныя і пратэстанты.
Меркавалася пачаць марш літургіяй у Свята-Духавым кафедральным саборы і ў Архікафедральным саборы Найсвяцейшай Панны Марыі. Затым калоны ўдзельнікаў павінны былі сабрацца ў раёне гарадской ратушы і прайсці да стэлы «Мінск - горад-герой».
Дарэчы, запланаваная ў мінскім архікатэдральным касцёле святая Імша ў інтэнцыі абароны жыцця і сямейных каштоўнасцяў пройдзе ў 10.30, нягледзячы на адмену маршу.
Па словах арганізатараў акцыі з руху «Pro-life », правядзенне такіх пазітыўных мерапрыемстваў асабліва неабходна грамадству ва ўмовах складанай дэмаграфічнай сітуацыі. Беларусь займае другое месца ў свеце па ўзроўні разводаў, трэцяе - па колькасці абортаў, чацвёртае - па колькасці суіцыдаў. Кожны дзень у Беларусі з-за абортаў абрываецца жыццё больш за сто дзяцей. Рух у абарону жыцця ставіць сваёй задачай прыцягненне ўвагі беларускага грамадства і ўрада да неабходнасці замацаваць заканадаўча поўную абарону жыцця чалавека з моманту зачацця да натуральнай смерці.
Related items
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- Загадкавую смерць манахіні расследуюць у Гомелі
RSS-стужка каментароў гэтага запiсу