Веламарафон з Гомеля адправіцца да Божай Маці Вастрабрамскай у Вільню
- Written by katolik.life
- Published in Навіны - Гомель
- Add new comment
Міжнароднае велапаломніцтва стане эксперыментам для ўсёй БПЦ.
Першы міжнародны царкоўны веламарафон адправіцца з Гомеля 21 ліпеня. Актывісты праваслаўнай моладзевай групы «Фавораўцы», прыхаджане Прэабражэнскага храма Гомеля на чале з духавенствам храма, а таксама мясцовы вернік з Каталіцкай царквы, здзейсняць паломніцтва на роварах ў Вільню. Мэта веламарафону - наведванне святых месцаў Беларусі і Літвы, дапамога і абмен досведам маладзёжнага служэння Праваслаўнай Царквы з калегамі Віленскай і Літоўскай епархіі. Веламарафон пройдзе да дня памяці Трох віленскіх пакутнікаў, які адзначаецца 26 ліпеня.
У рамках пілігрымкі запланавана наведванне Вастрабрамскай іконы Божай Маці, якая знаходзіцца на гарадскіх брамах Вільні (Вострай браме) і шануецца як католікамі, так і праваслаўнымі. Гэты абраз лічыцца адной з галоўных хрысціянскіх святынь Літвы, а таксама Беларусі і Польшчы. З абразом і ўчыненымі праз яе цудамі звязаны шматлікія паданні і легенды.
Ініцыятыва Гомельскай епархіі, якую блаславіў епіскап Гомельскі і Жлобінскі Стэфан, стане незвычайным эксперыментам для ўсёй Беларускай Праваслаўнай Царквы.
- Гэта новы ўзровень міжнароднага супрацоўніцтва не толькі праваслаўнай моладзі, паколькі праект носіць міжканфесійны характар, - пракаментавалі ў інфармацыйным аддзеле Гомельскай епархіі БПЦ.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі