Беларускім лекарам дадуць права адмовіцца ад правядзення аборту, а для жанчын увядуць абавязковае перадабортнае кансультаванне
- Written by katolik-gomel.by
- Published in Навіны - Гомель
- Add new comment
Таксама ў Міністэрстве аховы здароўя звяртаюць увагу на адказнасць за перапыненне цяжарнасці не толькі жанчын, але і мужчын.
Папраўкі ў закон Беларусі аб ахове здароўя, якія былі прынятыя парламентам, прадугледжваюць прадастаўленне права лекару адмовіцца ад правядзення аборту. Аднак такая адмова будзе магчымай, калі гэта не пагражае жыццю або здароўю жанчыны, а таксама пры наяўнасці пісьмовага паведамлення кіраўніка арганізацыі аховы здароўя. Галоўны лекар жа абавязаны арганізаваць пацыентцы правядзенне штучнага перапынення цяжарнасці іншым лекарам-спецыялістам.
Акрамя таго, папраўкі ў закон увядуць абавязковае перадабортнае кансультаванне для жанчын, якія маюць намер перапыніць цяжарнасць. Перад правядзеннем аперацыі з жанчынай павінны будуць абавязкова правесці гутарку лекар і псіхолаг.
Як лічаць у Міністэрстве аховы здароўя, пры такім кансультаванні жанчыны змогуць атрымаць інфармацыю як пра свае правы, так і пра наступствы аборту. Таксама ў Міністэрстве звяртаюць увагу на адказнасць за перапыненне цяжарнасці не толькі жанчын, але і мужчын.
Нагадаем, год таму ў час правядзення круглага стала Каталіцкая і Праваслаўная цэрквы Беларусі абмеркавалі змяненне закона «Аб ахове здароўя» і выказаліся за выключэнне з закона паняццяў «сурагатнае мацярынства» і «аборт», якія з'яўляюцца узаконеным забойствам.
Related items
- Ці ўступаць у піянеры, спыталі ў вернікаў – частка адказаў здзівіла
- Пацалунак пад абразом і цягнік з адным вагонам – чым дзеліцца парафія ў глыбінцы
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Не фэйкі і не хакеры: «Радыё Марыя» працягвае збор і тлумачыць непаразуменні
- У Беларусі ўвялі Дзень цяжарных: хто ініцыятар і чаму такія даты