У навагодні вечар гомельскія каталікі будуць славіць Багародзіцу і маліцца аб міры

У 21.00 31 снежня ў гомельскай рыма-каталіцкай царкве пройдзе традыцыйная Святая Імша. Каталікі збяруцца ў храме, каб пачаць святкаваць Урачыстасць Марыі - Царыцы свету. Дарэчы, 1 студзеня свята працягнецца - Імша адбудзецца ў 9.00 і 12.00. Таксама 1 студзеня каталіцкая царква адзначае Сусветны дзень малітвы аб міры, таму гомельскія каталікі будуць маліцца аб спыненні вайны ў Сірыі і іншых гарачых кропках, аб міры ва ўсім свеце.

А пасля службы ў навагодні вечар каталікі запусцяць у гонар Багародзіцы нябесныя ліхтарыкі.

Імша 31 снежня стане і дапамогай у тым, каб католікі не аддаваліся чэраваўгоддзю за навагоднім застоллем, а правялі гэты вечар у сапраўднай радасці малітвы. Пробашч храма Славамір Ласкоўскі заклікае дабраслаўляць Бога за ўсё, што было ў гэтым годзе , і нават за няўдачы. Бо для хрысціяніна ўсё, што з ім адбываецца, з'яўляецца ласкай ад Госпада:

- Тое новае, што хоча бачыць у нас Бог - каб мы былі поўнымі любові ў новага годзе. Усё астатняе - не істотна. У Новым годзе вас чакае шмат бітваў. Але вы іх ужо перамаглі, калі трымайцеся Ісуса Хрыста.