Біскуп Велікаселец наведаў з «калядой» усе каталіцкія парафіі Гомельшчыны [відэа]
- Written by katolik-gomel.by
- Published in Навіны - Гомель
- Comments (2)
Ён праспяваў калядку, заклікаў правесці новы год з радасцю і пажадаў міру і дабрабыту кожнай сям'і.
У Калядны перыяд па ініцыятыве Пінскага біскупа Антонія Дзям'янкі ва ўсіх парафіях дыяцэзіі праходзіла «каляда» з удзелам біскупаў - каб падзяліць з усімі вернікамі радасць свята. Каталікоў Брэсцкай вобласці наведваў біскуп Антоні, а парафіі Гомельскай вобласці - дапаможны біскуп Казімір Велікаселец. На працягу Каляднай актавы ён ужо пабываў з «калядой» ва ўсіх касцёлах Гомельшчыны, завяршыўшы віншаванне паствы з Раством у абласным цэнтры 5 студзеня.
Падчас «каляды» у гомельскай парафіі біскуп Казімір заклікаў, каб гэты год вернікі правялі з радасцю, па Божай волі, пажадаў міру і дабрабыту кожнай сям'і.
Біскуп, пробашч, парафіяльны хор і ўсе вернікі спявалі калядкі на беларускай, польскай, рускай і англійскай мовах, працягваючы святкаваць Раство Збавіцеля.
У бліжэйшыя дні біскуп Казімір і гомельскія святары пачнуць душпастырскія візіты ў дамы парафіянаў, каб асвяціць жыллё і прасіць Бога дабраславіць на бліжэйшы год гаспадароў дома.
Media
Related items
-
500 вернікаў з Беларусі падарожнічаюць па Еўропе і дзеляцца ўражаннямі
-
Масква, Саратаў, Нароўля. Арцыбіскуп Тадэвуш Кандрусевіч – рэкардсмен у душпастырскіх візітах
-
Яшчэ адзін касцёл закрыюць у Мінску. Што пра гэта і іншыя балючыя пытанні распавялі біскупы Папе Рымскаму?
-
Найбуйнейшая пілігрымка з Беларусі адпраўляецца ў Рым
-
Асеннія фотасесіі зрабілі беларускія манахіні
RSS-стужка каментароў гэтага запiсу