Семінар і Набажэнства па ацаленню сем'яў пройдзе ў Гомелі
- Written by Katolik.life
- Published in Навіны - Гомель
- Comments (1)
Сустрэчу правядуць па праграме афрыканскага каталіцкага святара.
У Доме міласэрнасці сясцёр святой Маці Тэрэзы 7-8 ліпеня пройдзе семінар «Ацаленне сем'яў: як вынікова маліцца аб вырашэнні застарэлых асабістых праблем і праблем у чарадзе пакаленняў». Семінар прысвечаны інтэнсіўнай духоўнай працы - малітве і разважанню, накіраваным на пераадоленне духоўных і асобасных праблем, якія абцяжарваюць жыццё сем'яў. Сустрэча не звязаная з якім-небудзь харызматычным рухам, паведамілі Katolik.life арганізатары.
Семінар уключае дзве часткі. Першая - падрыхтоўка да малітвы ацалення (тэорыя), якая доўжыцца каля 12 гадзін (прыкладна па шэсць гадзінаў два дні). Гэтую частку будуць праводзіць шлюбныя пары. Другая - Набажэнства ацалення (1 гадзіна), якое правядзе каталіцкі святар. І ў першы, і ў другі дзень прадугледжаны перапынак з абедам.
Для ўдзелу неабходна запісацца ў сясцёр Маці Тэрэзы ў Гомелі па тэлефоне +375232601751 ці па адрасе вул. Савецкая 146а - каля праваслаўнага Свята-Траецкага храма.
Кожнаму ўдзельніку да семінара неабходна запоўніць анкету, якая спатрэбіцца толькі самому ўдзельніку - яе не будуць бачыць староннія. У анкеце паказваюцца непрабачаныя дзеянні і псіхалагічныя траўмы, нездаровыя адносіны, акультныя практыкі, складанне генеалагічнага дрэва. Да гэтага спісу ўдзельнікі будуць звяртацца падчас малітвы ацалення. Атрымаць бланкі анкет можна ў Доме міласэрнасці або па электроннай пошце, запытаўшы анкеты па адрасе a.kitlinskaya@gmail.com
Таксама для ўдзелу неабходна мець сшытак, ручку і Біблію (можна ў электронным выглядзе).
Такі семінар ужо праходзіў у мінулым годзе ў Расіі. Сустрэчу правёў аўтар семінара а. Ёзэф Ссемакула - святар з Уганды, які цяпер служыць у ЗША. Семінар адбыўся па ініцыятыве архідыяцэзіі і сясцёр святой Маці Тэрэзы.
Related items
-
Замест ксяндза – біскуп. У Беларусі нагадалі пра востры недахоп святароў
-
Вось як аднавілі капліцу, якую знёс п'яны кіроўца на Смаргоншчыне
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
Усяго тры чалавекі ў Расіі вучацца ў каталіцкай семінарыі. А як у суседніх краінах?
-
Цуды – кожны дзень. У Будславе распавядаюць, як і каму дапамагла Божая Маці
08.07 (воскресенье) - с 11.00 до 19.00.
RSS-стужка каментароў гэтага запiсу