У аўтобусе з Гомеля ў Каўнас на Імшу з Папам засталіся месцы
- Written by Katolik.life
- Published in Навіны - Гомель
- Add new comment
Выезд - 22 верасня, кошт паездкі - 60 еўра. Патрэбна віза.
Католікі Гомеля адправяцца ў аўтобуснае паломніцтва ў літоўскі Каўнас, дзе ў нядзелю, 23 верасня, святую Імшу будзе служыць Папа Рымскі Францішак. У аўтобусе засталося некалькі вольных месцаў. Таму тыя, хто хацеў бы адправіцца з Гомеля ў Каўнас на аўтобусе, могуць звяртацца да куратара паездкі Сяргея да вечара пятніцы па тэлефоне: +375 29 6317069. Выезд запланаваны 22 верасня ў 15.00, вяртанне ў Гомель - да 24.00 24 верасня.
Кошт паездкі - 60 еўра. Наяўнасць шэнгенскай візы - абавязковая.
Нагадаем, Пантыфік наведае з апостальскім візітам Літву, Латвію і Эстонію 22-25 верасня. У другой палове дня 22 верасня Папа наведае віленскі санктуарый Маці Божай Вастрабрамскай, дзе памоліцца перад цудатворнай іконай Маці Міласэрнасці, пасля чаго сустрэнецца з моладдзю на плошчы перад віленскім катэдральным саборам. Раніцай 23 верасня Францішак адправіцца ў Каўнас, дзе ў мясцовым парку Santakos узначаліць нядзельную святую Імшу, якая завершыцца супольнай малітвай «Анёл Панскі».
Візіт Папы ў Літву - унікальная магчымасць для католікаў Беларусі сустрэцца з Пантыфікам. Упершыню Францішак будзе так блізка - літоўская сталіца знаходзіцца літаральна ў 40 км ад беларускай мяжы. Таму аўтобусныя пілігрымкі ў Літву запланаваны з многіх гарадоў Беларусі.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў