У Гомелі арганізоўваецца група каталіцкага «Легіёна Марыі»
- Written by Katolik.life
- Published in Навіны - Гомель
- Add new comment
Удзельнікі руху дапамагаюць у храме, наведваюць хворых, наведваюць абартарыі
У гомельскай рымска-каталіцкай парафіі Унебаўзяцця Найсвяцейшай Панны Марыі арганізоўваецца група «Легіёна Марыі» - сусветнага каталіцкага руху, мэта якога - дасягненне ўласнай святасці і евангелізацыя сярод тых, хто жыве па-за Царквой.
Ва ўрачыстасць Хросту Пана гомельскую парафію наведалі легіянеркі Таццяна з Мазыра і Нэлія з Калінкавічаў. Яны распавялі пра рух і пра свой удзел у ім, запрасілі мясцовых парафіян уступаць у «Легіён Марыі».
У Беларусі рух служыць з 1994 года, ужо даўно колькасць яго ўдзельнікаў перавысіла тысячу чалавек. А ўсяго ў свеце ў «Легіёне Марыі» - каля 13 млн чалавек.
Яны наведваюць шпіталі, дзіцячыя дамы, размаўляюць з людзьмі аб грамадзянскіх шлюбах, абортах і іншых грахах, якія робяць чалавека няшчасным. У кожнага легіянера ёсць свае абавязкі. Раз на тыдзень парафіяльная група збіраецца на сустрэчу, каб разам памаліцца. Заданні кожнаму дае святар, зыходзячы з здольнасцяў, інтарэсаў і харызмы чалавека. Нехта дапамагае ў прытулках і шпіталях ці ходзіць у абартарыi, некаторыя дапамагаюць у храме ці наведваюць адзінокіх састарэлых людзей.
Па ўсіх пытаннях адносна ўдзелу ў гомельскай групе «Легіёна Марыі» можна звяртацца да пробашча парафіі а. Леанарда па тэлефоне: +37529 802-99-45.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі