Урачыстую працэсію Божага Цела правядуць католікі ў Гомелі
- Written by Katolik.life
- Published in Навіны - Гомель
- Add new comment
Дзеці будуць высцілаць пялёсткамі дарогу для Езуса Хрыста
23 чэрвеня ў Гомелі каталіцкія вернікі правядуць традыцыйную працэсію Божага Цела. Урачыстасць Цела і Крыві Хрыстовых прыходзіцца на чацвер, 20 чэрвеня, а працэсія пераносіцца на нядзелю, каб больш вернікаў змаглі прыняць у ёй удзел і даць сведчанне веры.
Свята пачнецца ў 10.00 святой Імшой, затым парафіяне пройдуць урачыстай працэсіяй па вуліцы Савецкай ад касцёла да Дома міласэрнасці сясцёр Маці Тэрэзы, каб дабраславіць горад, памаліцца за дамы і працоўныя месцы, за тое, каб Гасподзь бярог ад голаду і вайны, каб нагадаць пра ахвяру Хрыста і засведчыць аб сваёй веры. Штогод у працэсіі Божага Цела ў Гомелі ўдзельнічаюць 200-300 вернікаў.
- Езус асвячае нашы дамы, месцы працы і заклікае: «Прыйдзіце да Мяне, усе спрацаваныя і абцяжараныя», - кажа біскуп Казімір Велікаселец.
Наперадзе працэсіі будуць ісці дзеці ў белым адзенні і высцілаць дарогу пялёсткамі кветак для Езуса Хрыста. Яго Цела пад выглядам хлеба будзе несці святар у манстрацыі - адмысловым прыстасаванні для выстаўлення Найсвяцейшага Сакрамэнту. Па дарозе працэсія будзе спяваць і рабіць прыпынкі ля чатырох алтароў для пакланення Целу Хрыста, для малітвы і чытання Евангелля.
У гэты дзень у касцёле адбудзецца толькі адна святая Імша да абеду, таксама будзе служба ў 17.00.
У многіх гарадах, у тым ліку ў Мінску, працэсіі Божага Цела ўжо прайшлі ў пачатку чэрвеня. А ў Гродне, дзе працэсіі найбольш масавыя, урачыстасць адбудзецца ўвечары ў чацвер, 20 чэрвеня.
Related items
-
Беларускі біскуп заклікаў да малітвы за перамовы Украіны і Расіі
-
Замест ксяндза – біскуп. У Беларусі нагадалі пра востры недахоп святароў
-
Вось як аднавілі капліцу, якую знёс п'яны кіроўца на Смаргоншчыне
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
Усяго тры чалавекі ў Расіі вучацца ў каталіцкай семінарыі. А як у суседніх краінах?