BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Гомельскія каталікі на чале з біскупам здзейснілі пілігрымку ў Рым на кананізацыю Пантыфікаў - ФОТА

У 10-дзённай паездцы на аўтобусе ўдзельнічалі вернікі ўсіх узростаў, святары і сёстры законныя.

1 траўня парафіяне гомельскага касцёла вярнуліся з Рыма, дзе 27 красавіка, у нядзелю Божай Міласэрнасці, адбылася кананізацыя бласлаўлёных Яна XXIII і Яна Паўла II. Нагадаем, сумесная кананізацыя двух Пантыфікаў была асабістым жаданнем Папы Францішка. Кардынал Амата, прэфект Кангрэгацыі па кананізацыі святых, каментуючы гэты факт, адзначыў , што Ян XXIII быў вялікім прарокам і ініцыятарам Другога Ватыканскага Сабору, а Ян Павел II рэалізаваў яго на практыцы і развіў ва ўсіх яго кампанентах і ўсім яго патэнцыяле. Згодна з іерархам, гэтыя дзве асобы з'яўляюцца слупамі не толькі хрысціянскай культуры, але і хрысціянскай святасці.

Аўтобус прыкладна з 50 гомельцамі на чале з біскупам Казімірам Велікасельцам, ксяндзом-прэлатам Тадэвушам Саморэкам і пробашчам мясцовай рыма-каталіцкай парафіі айцом Славамірам Ласкоўскім праследаваў праз Польшчу, Чэхію і Аўстрыю. У 10-дзённай паездцы ўдзельнічалі вернікі ўсіх узростаў, у тым ліку дзеці, пенсіянеры, а таксама сёстры законныя. Па дарозе гомельскія пілігрымы начавалі у сем'ях вернікаў і ў паходных умовах. Цікава, што біскуп Велікаселец прыняў рашэнне аб удзеле ў пілігрымцы нечакана, літаральна за некалькі гадзін да выезду.

На працягу ўсяго паломніцтва удзельніца падарожжа Вольга Гулевіч высылала фотаздымкі для штодзённай Twitter-трансляцыі, лепшыя з якіх цяпер мы публікуем у галерэі.

 

Last modified onЧацвер, 01 Май 2014 14:03
Каментары   
+1 #4 admin 2014-05-01 21:22
Цытую marija305:
у меня есть пару фотографий из Рима.могу скинуть


Конечно, будем благодарны, можно разместить прямо в комментарии или выслать на адрес
Цытаваць | Паведаміць мадэратару
+2 #3 marija305 2014-05-01 20:44
у меня есть пару фотографий из Рима.могу скинуть
Цытаваць | Паведаміць мадэратару
+2 #2 мария 2014-04-22 15:32
это точно.наши польские бискупи все летят самолетами и ночуют в хороших гостиницах :lol:
Цытаваць | Паведаміць мадэратару
+7 #1 ira 2014-04-22 11:07
Малайчына біскуп! ;-)
Цытаваць | Паведаміць мадэратару
Дадаць каментарый

Ахоўны код
Абнавіць