«Сэрца разрываецца ад болю». Гомельскі касцёл запрашае на міжканфесійную малітву
- Written by KATOLIK.LIFE
- Published in Навіны - Гомель
- Add new comment
Вернікі будуць маліцца аб спыненні гвалту, за ахвяраў і іх сем'і
13 жніўня ў 19.00 у гомельскім касцёле Нараджэння Божай Маці адбудзецца адмысловая малітва, на якую запрошаныя не толькі католікі, але і хрысціяне іншых канфесій, прадстаўнікі ўсіх веравызнанняў, людзі добрай волі.
Вернікі будуць маліцца аб супакоі і згозде ў Беларусі, аб спыненні неапраўданага гвалту, жорсткіх збіванняў і бесчалавечных катаванняў, правакацый, за сем'і, якія не могуць даведацца, дзе знаходзяцца іх блізкія, за нявінна арыштаваных, за параненых і пакалечаных, за загінулых і іх сем’і.
- Дарагія браты і сёстры. Усе ведаюць, што зараз адбываецца ў нашай Радзіме, і ніхто не застаецца абыякавым, гледзячы на ўсё гэта. Сэрца разрываецца ад болю і, як здаецца, ад бездапаможнасці. Што я магу зрабіць? Я не магу сядзець склаўшы рукі! - звяртаецца пробашч парафіі кс. Юры Варанко.
Ён адзначае, што для веруючага чалавека ёсць адказ - малітва. Гэта самая моцная зброя, якая можа здавацца ціхім шэптам у аглушальным моры нянавісці, але няма больш дзейснага сродка:
- Бо мы прыходзім са сваёй бездапаможнасцю да Усемагутнага Бога. Перад абліччам супольный бяды мы заўсёды аб’ядноўваемся. Так лягчэй перажываць боль і лягчэй мець надзею. Таму запрашаю на сённяшнюю малітву ў касцёл усіх неабыякавых, веравызнанне не мае значэння, мы будзем маліцца Адзінаму Богу! Таксама ў касцёле запланавана начное чуванне перад Найсвяцейшым Сакрамэнтам.
Пачатак - у пятніцу, 14 жніўня, у 21.30.
Related items
- Святары ў войску: клірыка пінскага прыходу прызвалі ў ПДВ
- «Дзіця электрычкі» вандруе па Беларусі ў пошуках цікавых храмаў і драўляных хат
- Спальванне пудзіла і святы Казімір: у Гродне сумесцяць «Казюкі» з Масленіцай
- У Баранавічах не далі дазвол католікам на правядзенне гарадскога Крыжовага шляху
- Унікальны праект: беларусы ствараюць альбом на вершы святой Тэрэзы