У дзень прэзідэнцкіх выбараў ва Украіне гомельскія каталікі моляцца за гэтую краіну - відэа-LIVE апошніх падзей

Май 25, 2014
Written by katolik-gomel.by
Published in Навіны - Гомель
Add new comment

«Просім Госпада пра любоў, мір і згоду ва Украіне, каб людзі там не забівалі, а любілі адзін аднаго».

На нядзельнай святой Імшы 25 траўня, у дзень выбараў прэзідэнта Украіны, у гомельскай рыма-каталіцкай царкве зноў маліліся аб гэтай краіне.

- Просім Госпада пра любоў, мір і згоду ва Украіне, каб людзі там не забівалі, а любілі адзін аднаго, - маліўся біскуп Казімір Велікаселец.

Нагадаем, у Паўднёва-Усходняй частцы Украіны па-ранейшаму працягваецца ўзброенае супрацьстаянне. Нядаўна пад Валнавахай у Данецкай вобласці тэрарысты забілі 16 украінскіх вайскоўцаў, напаўшы на блок-пост. А пад Славянскам сепаратысты абстралялі групу журналістаў, загінуў італьянскі фатограф і яго перакладчык.

У прэзідэнцкіх выбарах лідзіруе народны дэпутат Пётр Парашэнка, на якога ўскладаюць надзеі многія ўкраінцы.