Першы ў Беларусі «супрацьабортны» тралейбус з'явіўся ў Гомелі - ФОТА
- Written by katolik-gomel.by
- Published in Навіны - Гомель
- Add new comment
Ідэю ГА «Выратаванне немаўлятаў» праспансіравала прадпрыемства «Беларуснафта», а тралейбус прадаставілі бясплатна.
10 чэрвеня ў Гомелі на лінію выходзіць новы тралейбус, які аформлены незвычайнай сацыяльнай рэкламай. Слоганы тралейбуса заклікаюць захаваць жыццё ненароджаных дзяцей. Ідэя «супрацьабортнага» тралейбуса ўзнікла ў членаў грамадскага аб'яднання «Выратаванне немаўлятаў», у якім знаходзяцца хрысціяне розных канфесій, лекары-гінеколагі і прадстаўнікі іншых прафесій.
Выраб налепак для тралейбуса праспансіравала вытворчае аб'яднанне «Беларуснафта», якое пагадзілася падтрымаць праект і выдзеліла 9,5 мільёнаў рублёў на ўсе работы па афармленні тралейбуса. Выраб рэкламы і абклейванне тралейбуса выканала прадпрыемства «Навальніца». У якасці сацыяльнай рэкламы праект прайшоў узгадненні ў Міністэрстве гандлю Беларусі, таму «Гарэлектратранспарт» выдзеліў тралейбус пад праект бясплатна.
Агітаваць за жыццё тралейбус будзе як мінімум на працягу года, а магчыма і даўжэй - пакуль налепкі не страцяць эстэтычны выгляд.
Тралейбус будзе курсіраваць па маршрутах №2 і №8. У будучыні яго, магчыма, зробяць тэматычным - па аналогіі з «футбольным» і «гістарычным» тралейбусамі, размясціўшы ў салоне інфармацыю аб абортах і іх наступствах.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- Пацалунак пад абразом і цягнік з адным вагонам – чым дзеліцца парафія ў глыбінцы
- У Беларусі ўвялі Дзень цяжарных: хто ініцыятар і чаму такія даты