Каталіцкі суботнік прайшоў у Магілёве
- Written by katolik-gomel.by
- Published in Царква
- Add new comment
Біскуп таксама прыбіраў двор будучага пастырскага цэнтра.
Па ініцыятыве дапаможнага біскупа Мінска-Магілёўскай архідыяцэзіі Аляксандра Яшэўскага SDB 26 верасня ў Магілёве адбылася сумесная праца святароў і вернікаў Магілёўшчыны на тэрыторыі будынка па адрасе вул. Ленінская, 27.
На просьбу біскупа дапамагчы распачаць добраўпарадкаванне тэрыторыі будынка, які плануецца ў будучыні прыстасаваць у якасці душпастырскага цэнтра для Каталіцкага Касцёла Магілёўшчыны, з ахвотай адгукнуліся святары і вернікі не толькі ўсіх магілёўскіх парафій, але і з Бабруйска, Касцюковіч, Горак, Чавусаў, Шклова, Фашчаўкі.
Цяжка было пачаць — асабліва тады, калі сабраныя пабачылі стан рэчаў — але, як яны ўпэўнены, благаслаўленне, якое біскуп Аляксандр Яшэўскі ўдзяліў на пачатак прац, дапамагала, як і тое, што іерарх не толькі благаславіў на працу, але і сам быў вельмі актыўным удзельнікам акцыі.
Зробленае ў гэты дзень хтосьці можа палічыць мізэрным у параўнанні з тым, што яшчэ трэба зрабіць (неабходна амаль поўная рэканструкцыя будынка), аднак факт таго, што ўдзельнікі «суботніку» змаглі сабрацца разам, праславіць Бога і праз працу, з’яўляецца відавочным знакам таго, што разам можна зрабіць шмат.
Related items
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры