BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Скаўты і парафіяне добраўпарадкавалі ў Гомелі месца падпольнай каталіцкай капліцы - ФОТА

У пасляваенныя гады тут жылі сёстры Дамарацкія, у 60-70-х гадах мінулага стагоддзя прымаўшыя ў сваім доме каталіцкага святара.

У двары прыватнага дома па вуліцы Песіна ў Гомелі скаўты і парафіяне касцёла правялі добраўпарадкаванне тэрыторыі: высеклі зараснікі, прыбралі смецце. Стары драўляны дом у самым канцы вулачкі, якая прылягае да Студэнцкага сквера, даўно прыцягвае ўвагу мінакоў. Многія дзівяцца: чаму дом у такім добрым месцы пустуе і руйнуецца, а яго двор зарастае хмызняком?

У пасляваенныя гады тут жылі сёстры Дамарацкія, у 60-70-х гадах мінулага стагоддзя прымаўшыя ў сваім доме каталіцкага святара, які таемна прыязджаў у Гомель і праводзіў Набажэнствы. У той час парафія была ў падполлі. У гэтым доме ацалелыя пасля сталінскіх рэпрэсій і вайны каталікі маліліся і нават прымалі сакрамэнту: спавядаліся, бралі шлюб.

- У доме было два выхады: калі ў першы заходзіла міліцыя, святар сыходзіў праз другія дзверы, - распавядае цяперашні пробашч гомельскай рыма-каталіцкай парафіі айцец Славамір Ласкоўскі. - Гэта вельмі важнае месца. І цудоўным чынам гэты дом трапіў да парафіі. Сёстры Дамарацкія перадалі дом сваім блізкім, а тыя - пасля таго, як я прыехаў у Гомель - афіцыйна створанай парафіі. Частку домаўладання мы выкупілі ў горада.

Божы провід зрабіў так, што менавіта тут, усяго ў сотні метраў ад падпольнай капліцы, неўзабаве пабудавалі касцёл. І становішча дома Дамарацкіх стала яшчэ больш выгадным для парафіі. Аднак усе гэтыя гады рамонт у доме не праводзілі, бо не маглі атрымаць ад уладаў дазвол. Толькі цяпер, пасля рэканструкцыі Студэнцкага сквера, з'явілася магчымасць добраўпарадкаваць ўчастак.

Цяпер відавочна, што стары дом прыйдзецца разбіраць, але ж не будзе пуставаць месца? Пра тое, чым яго плануецца заняць, мы раскажам у бліжэйшыя дні ў адной з наступных публікацый.

Last modified onСубота, 10 Май 2014 18:42

Каментары   

+1 #2 Женька 2014-05-10 21:58
Было бы классно сделать пріходскую бібліотеку.
Цытаваць | Паведаміць мадэратару
+1 #1 гость 2014-05-10 18:40
Дом пилигрима?
Цытаваць | Паведаміць мадэратару

Дадаць каментарый

Ахоўны код
Абнавіць