У Гомель на «вандроўку» прыязджалі дзяўчаты-скаўты

Лістапад 25, 2012
Written by gomel.catholic.by
Published in Скаўты - Гомель
Add new comment

У мінулую нядзелю ганаровымі гасцямі гомельскай рымска-каталіцкай парафіі сталі дзяўчыны-скаўты з Мінска, Гродна і Лынтупаў. Прыезд у Гомель яны ажыццявілі падчас традыцыйнага скаўцкага мерапрыемства - «вандроўкі».

Адразу па прыездзе дзяўчаты накіраваліся ва ўжо знакамітую дзіцячую вёску для сірот-інвалідаў, пабудаваную дабрачыннай каталіцкай місіяй «Карытас-Міласэрнасць». Таксама дзяўчыны пабывалі на экскурсіі ў гістарычным цэнтры Гомеля, а пасля Набажэнства ў касцёле прысягу прынялі новыя члены скаўцкага руху з Гародні.

Звычайна падчас «Вандровак» скаўты выязджаюць у якія-небудзь цікавыя месцы, наведваюць хрысціянскія святыні. Нагадаем, у гомельскім рымска-каталіцкай парафіі таксама практыкуецца педагогіка FSE (Федэрацыі скаўтаў Еўропы), праўда, пакуль толькі для хлопцаў.

Tagged under