Дзень роднай мовы: дыпламаты чытаюць вершы Купалы [ВІДЭА]
- Written by katolik-gomel.by
- Published in Соцыум
- Add new comment
У МЗС паслы чыталі па-беларуску ўрыўкі з любоўнай лірыкі.
Напярэдадні Міжнароднага дня роднай мовы, які адзначаецца ў свеце 21 лютага, у Міністэрстве замежных спраў Беларусі прайшла акцыя "Чытаем Купалу разам". Паслы і прадстаўнікі дыпмісій некалькіх краін ЕС, Палестыны, Індыі, а таксама кіраўнік прадстаўніцтва ПРААН у Беларусі Санака Самарасінха і міністр замежных спраў Беларусі Уладзімір Макей па чарзе прачыталі ўрыўкі з любоўнай лірыкі аднаго з самых вядомых беларускіх паэтаў Янкі Купалы (сапраўднае імя - Іван Луцэвіч). Менавіта яго творчасць была абрана для акцыі, паколькі ў гэтым годзе адзначаецца 100-годдзе вянчання паэта і яго музы Уладзіславы Станкевіч.
Адкрываючы сустрэчу, кіраўнік МЗС Беларусі адзначыў, што дыпламат абавязаны не толькі паважаць і любіць родную мову, але і з павагай ставіцца да мовы краіны свайго знаходжання. Таксама міністр дадаў, што «мова, культура, традыцыі, нацыянальныя каштоўнасці - гэта фундамент, без якога немагчыма існаванне і народа, і дзяржавы», здабытак, якім неабходна ганарыцца. Паводле Уладзіміра Макея, неабходна звярнуцца да вытокаў, паглыбляць знаёмства з родным краем, развіваць пачуццё грамадзянскасці і любові да Радзімы.
Чытайце таксама: Да Дня роднай мовы - аб праблемах мовы ў Каталіцкім Касцёле.
Media
Related items
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу