Божыя сюрпрызы: у кастрычніку Гомель накрыла снегам [фота]

Кастрычнік 26, 2016
Written by katolik-gomel.by
Published in Соцыум
Comments (1)

Цыклон намёў снегу па шчыкалатку, але на выхадных зноў чакаецца дождж.

Сапраўдная завіруха накрыла Гомель 26 кастрычніка. За паўдня снегу накідала па шчыкалатку, пры тым, што снег мокры і хутка растае. Дахі, дарогі, галіны дрэў і драты ліній электраперадач цалкам сталі белымі.

Дзіўна бачыць зялёнае лісце многіх дрэваў пад снегам - сапраўдны сюрпрыз зладзіў Гасподзь! Цудоўны снегапад пасярэдзіне восені стаў, мабыць, самай папулярнай тэмай у сацсетках сярод гомельцаў. Лісты клёнаў, каштанаў ападалі на зямлю разам з белымі шматкамі - калі такое яшчэ ўбачыш!

Паводле інфармацыі сіноптыкаў, прычынай зімовага надвор'я ў кастрычніку сталі актыўныя франтальныя раздзелы, якія паступаюць з Балтыйскага мора. Пад іх уплывам аказаўся ўсход Беларусі. Ападкі спыняцца ў чацвер, але могуць аднавіцца ў пятніцу, аднак потым тэмпература павысіцца да + 2+ 6 і снег зменіцца дожджам.

Last modified onСерада, 26 Кастрычнік 2016 14:31

Tagged under