Фотафакт: БРСМ і курсанты ачысцілі ад снегу двор касцёла ў Лагойску
- Written by Katolik.life
- Published in Соцыум
- Add new comment
Хлопцам дапамагла супрацоўніца мясцовай раённай бальніцы.
У суботу, 3 сакавіка, калі цыклон прываліў яшчэ больш снегу, курсанты Вайсковай акадэміі, якія зараз праходзяць практыку ў в/ч 30151 у Малінаўцы, узброіліся рыдлёўкамі і разам з сябрамі Беларускага рэспубліканскага саюзу моладзі ачысцілі ад снегу двор касцёла Святога Казіміра ў Лагойску. Цікава, што адбылося гэта напярэдадні 4 сакавіка, калі Каталіцкая царква ўспамінае святога Казіміра.
- Надвор'е на двары зусім не вясновае. Сакавік «цешыць» нас снегападамі і завірухамі. І для многіх замеценыя дарожкі - сапраўдная праблема. Актывісты БРСМ разам з курсантамі адправіліся на дапамогу тым, хто ў ёй мае патрэбу, - паведамляецца ў групе «Моладзь Лагойшчыны». - Курсанты Уладзіслаў Марозаў, Уладзіслаў Жыгалаў, Андрэй Барынаў і Уладзіслаў Гаркуша разам з Таццянай Шых, работніцай Лагойскай ЦРБ і валанцёрам БРСМ, ачысцілі ад снегу двор Лагойскага касцёла.
У групе таксама паведамляюць, што ў сувязі з умовамі надвор'я, якія склаліся, а таксама з мэтай аказання адраснай сацыяльнай падтрымкі ў Лагойскім раёне дзейнічае акцыя #Антициклон - любы ахвотны можа паўдзельнічаць або звярнуцца па дапамогу па расчыстцы ў Лагойскі РК ГА "БРСМ" па тэлефоне 55- 2-74.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
- Без цуду, але з падтрымкай: як «Радыё Марыя» выходзіць з цяжкай сітуацыі