BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

У Беларусі сабралі каля 2,5 тыс. подпісаў супраць ЛГБТ-прапаганды

Зварот будзе накіраваны прэзідэнту Беларусі з просьбай прыняць адпаведны закон.

Завяршаецца збор подпісаў пад зваротам да прэзідэнта Беларусі аб забароне прапаганды гомасэксуалізму сярод дзяцей і падлеткаў. Па дадзеных на 21 чэрвеня ў папяровым выглядзе сабрана ўжо больш за 1,5 тыс. подпісаў. Нядаўна быў адкрыты сайт для збору подпісаў у інтэрнэце - у электронным выглядзе на старонцы stop.lgbt.by падпісаліся ўжо амаль 900 чалавек, паведамілі Katolik.life арганізатары.

Акцыю ладзіць Каардынацыйны Савет грамадскіх прасямейных сіл Беларусі, у які ўваходзяць грамадскія аб'яднанні «Выратаванне немаўлятаў», «Цэнтр падтрымкі сям'і і мацярынства «Мамалето», «Бацькоўства», «Горад без наркотыкаў», «Адкрытыя сэрцы», «Цэнтр падтрымкі сям'і, мацярынства і дзяцінства «Пакрова», прадстаўнікі Аб'яднанай царквы ХВЕ ў Беларусі, прадстаўнікі царквы ЕХБ і іншых арганізацый.

- Наша ініцыятыва не ўшчамляе нічыіх правоў і свабодаў, бо не тычыцца асабістага жыцця кагосьці. Мы адстойваем права бацькоў выхоўваць уласных дзяцей так, як лічым правільным. Мэтай звароту да прэзідэнта з'яўляецца ініцыятыва па ўнясення ў заканадаўства Беларусі Закона «Аб абароне дзяцей ад прапаганды і публічнага вызнавання нетрадыцыйных сэксуальных адносін», - патлумачылі арганізатары.

Дадзеная ініцыятыва з'яўляецца грамадскай, але абвінавачванні ў гамафобіі сталі гучаць і ў адрас Каталіцкай Царквы. У сувязі з гэтым нагадаем, што хрысціяне асуджаюць не грэшнікаў, а грэх, адпаведна - не геяў, а гомасэксуальныя стасункі.

Дадаць каментарый

Ахоўны код
Абнавіць