Выйшла першая гульня для смартфонаў па-беларуску - «Дзіцячая Біблія»

Гульня для смартфонаў «Біблія для дзяцей» перакладзена на беларускую мову і даступна для пампавання для гаджэтаў з Android і iOS. Аналагу праекта няма ў Беларусі - гэта першая беларускамоўная гульня для смартфонаў і планшэтаў, паведаміў адзін з распрацоўшчыкаў Мікалай Малашчонак.

- Два гады мы працавалі над праектам. Яскравыя анімацыі, цікавыя галаваломкі і пазлы і самая лепшая беларускамоўная агучка ад каманды КінаКонг! Цяпер дзеткі змогуць наўпрост акунуцца ў атмасферу Бібліі і разам з біблійнымі героямі прайсці ўвесь той неверагодны шлях, якім Бог вёў чалавецтва напрацягу гісторыі! - піша адзін з аўтараў праекту.

Каб бясплатна спампаваць гульню, можна перайсці па спасылцы альбо знайсці «Дзіцячая Біблія» ў Google Play ці App Store.

У наладах праграммы трэба змяніць мову на беларускую.

Узрост дзяцей, якім можна прапанаваць гульню, - 4+.

Цікава, што Мікалай Малашчонак таксама распрацаваў беларускую «Мабільную Біблію» да 500-годдзя скарынаўскай - першай беларускай друкаванай Бібліі.