У Беластоку памёр беларускі пісьменнік Уладзіслаў Ахроменка
- Written by Katolik.life
- Published in Царква
- Add new comment
Развітанне пройдзе ў Мінску, дата і месца вызначаюцца
Пасля дзесяці дзён комы ў шпіталі польскага Беластоку 9 лістапада адышоў у вечнасць беларускі пісьменнік Уладзіслаў Ахроменка. Яму было 53 гады, у яго засталася жонка і дзеці. Уладзіслаў родам з Гомеля, жыў у Мінску, затым - ва ўкраінскім Чарнігаве. Апошні час Уладзіслаў працаваў з архівамі НКУС і КДБ, якія адкрылі ва Ўкраіне, публікаваў свае нататкі па матэрыялах справаў рэпрэсаваных, распавядаў аб ілжывых даносах, несправядлівых прысудах, катаваннях ды іншых злачынствах савецкай сістэмы.
Уладзіслава знайшлі ў гатэлі ў польскім Беластоку, куды ён прыехаў па справах, у крытычным беспрытомным стане. Што адбылося з пісьменнікам, дагэтуль дакладна невядома, папярэдняя версія - інфаркт.
Развітанне з Уладзіславам адбудзецца ў Беластоку, а затым - у Мінску.
Вызначаюцца дата і месца малітвы за яго душу. Уладзіслаў - католік, і пакуль гаворка ідзе аб магчымым адпяванні ў Чырвоным касцёле на плошчы Незалежнасці (парафія св. Сымона і св. Алены). Дакладная інфармацыя будзе пададзена пазней.
Родныя Ўладзіслава просяць усіх неабыякавых аб малітвах за Валадарства Божае для памерлага.
Media
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Помнік беларускаму герою Кастусю Каліноўскаму адкрылі ў Вільні
- Штосьці незвычайнае зладзілі ў мінскім касцёле: набажэнства спалучылі з перфомансам