Герб Мінска з выявай Божай Маці вярнулі на плошчу Незалежнасці

Жнівень 26, 2024
Written by KATOLIK.LIFE
Published in Соцыум
Add new comment

Гэта адбылося ў сімвалічную дату. А здымалі герб дзеля афармлення будынка з нагоды візіту ў Беларусь прэм'ера Кітая.

На будынку дзяржаўнага педагагічнага ўніверсітэта на плошчы Незалежнасці зноў размясцілі герб Мінска, на якім адлюстравана Ўнебаўзяцце Найсвяцейшай Панны Марыі. Гэта адбылося 25 жніўня, у гадавіну надання Дэкларацыі аб дзяржаўным суверэнітэце статусу Канстытуцыйнага акту, што дэ-юрэ азначала абвяшчэнне незалежнасці Беларусі.

Герб Мінска адсутнічаў на плошчы амаль 10 дзён. Цяпер стала зразумела, што яго здымалі дзеля афармлення будынка педуніверсітэта з нагоды візіту ў Беларусь прэм'ер-міністра Кітая Лі Цяна.

За тыдзень да гэтага візіту на будынку пачалі афармляць банеры ў выглядзе дзяржаўных сцягоў Беларусі і Кітая. Атрымлівалася, што герб з Божай Маці ўзвышаўся над імі.

Праз два дні пасля ад'езду прэм'ера Кітая канструкцыю са сцягамі разабралі, а герб Мінска вярнулі на ранейшае месца.