Былы святар паказаў, як дачка сустракала яго пасля двух гадоў зняволення

Чэрвень 12, 2025
Written by KATOLIK.LIFE
Published in Соцыум
Add new comment

Аляксандр Тарасенка добра знаёмы ў тым ліку гомельскім католікам як іераманах Мікалай.

Вядомы ў Гомелі былы праваслаўны манах-святар Аляксандр Тарасенка выйшаў на волю пасля амаль двух гадоў зняволення. Гэта адбылося яшчэ ў пачатку года, але Аляксандр не паведамляў публічна пра сваё вызваленне, чакаючы, пакуль апынецца ў бяспецы. Цяпер гэты момант надыйшоў.

У сацсетцы ён падзякаваў усім за падтрымку, спачуванне і цеплыню, адзначыўшы, што «ў такі люты час асабліва моцна кранае чалавечая дабрыня і прыстойнасць», пажадаў усім хутчэйшага наступлення міру.

Аляксандр Тарасенка добра знаёмы ў тым ліку гомельскім католікам як іераманах Мікалай, які праводзіў у Церусе міжканфесійны фестываль «Хрыстос пасярод нас». Пакінуўшы манаства, стварыў сям'ю. У 2023 годзе быў асуджаны на два гады пазбаўлення волі па палітычна матываваным абвінавачванні за пост у сацсетцы.