Упершыню дзяржаўная ўстанова ўручыла падзяку каталіцкаму святару

На школьных лінейках 1 верасня ў Беларусі традыцыйна прысутнічалі праваслаўныя святары, але ў некаторых школах выступіць на Дзень ведаў запрасілі каталіцкіх святароў. Як правіла – у Гродзенскай вобласці.

У адной са школ – у Варнянах – святару ўручылі афіцыйны Падзячны ліст. Такога мы раней не сустракалі. На веб-сайтах і ў сацсетках няма ўзгадак пра тое, каб дзяржаўныя ўстановы ўручалі афіцыйныя падзякі каталіцкім святарам. Адзіны выпадак – у 2023 годзе старшыня Дзятлаўскага райвыканкаму ўручаў Падзячны ліст ксяндзу Здзіславу Пікуле «за шматгадовае служэнне, унёсак у мір і духоўнае выхаванне».

Таму можна сказаць, што ўпершыню за апошні час каталіцкі святар у Беларусі атрымлівае афіцыйную падзяку ад дзяржустановы.

Падзяка пробашчу Віктару Захарэўскаму ўручана за «духоўную падтрымку, супольную малітву, адкрытасць да супрацоўніцтва», змяшчае шмат цёплых словаў і складзена на добрай беларускай мове.

Гэта адзін з рэдкіх у Беларусі выпадкаў супрацоўніцтва дзяржаўнай навучальнай установы з каталіцкім святаром.

Наш канал в Telegram – только интересное и важное. Подписаться >