Кіраўнік касцёла ў Беларусі сустрэўся з Папам Францішкам
- Written by katolik-gomel.by
- Published in Царква
- Add new comment
"Папа сказаў, што ў сваіх думках ён заўсёды памятае аб Беларусі і моліцца за яе”.
2 кастрычніка 2014 г. Францішак прыняў на аўдыенцыі ўдзельнікаў пленарнага пасяджэння Папскай рады “Iustitia et pax”, якое прайшло ў Рыме і было прысвечана пятай гадавіне выдання энцыклікі Бэнэдыкта XVI “Caritas in veritate”. Пантыфік нагадаў пра актуальнасць гэтага “фундаментальнага для евангелізацыі сацыяльнай сферы” дакумента, які дае каштоўныя ўказанні для прысутнасці католікаў у грамадстве, эканоміцы і палітыцы. Прынцып любові ў праўдзе, на думку Папы, мае “крайнюю актуальнасць” у нашы дні. Любоў, напоўненая праўдай дапамагае перамагчы небяспечны фанатызм, барацьбу за валоданне рэсурсамі, вымушаную міграцыю, голад і беднасць, гандаль людзьмі, несправядлівасць, сацыяльную і эканамічную няроўнасці, дысбаланс у доступе да калектыўных дабротаў, сказаў Францішак.
У сустрэчы з Пантыфікам прыняў удзел арцыбіскуп Тадэвуш Кандрусевіч, Мітрапаліт Мінска-Магілёўскі. Падчас асабістай сустрэчы іерарх падзякаваў Святому Айцу за яго навучанне і клопат аб Касцёле ў Беларусі. “Я падышоў да Папы і падзякаваў за яго словы, за тое, што сваім навучаннем ён дае надзею сучаснаму свету, асабліва тым, хто знаходзіцца ў бядзе, а таксама за яго клопат аб Касцёле ў Беларусі. Папа сказаў, што ў сваіх думках ён заўсёды памятае аб Беларусі і моліцца за яе”, - распавёў арцыбіскуп Кандрусевіч.
Related items
- Ватыкан не паведамляў аб адмове Папы Рымскага ад удзелу ў мірным саміце па Украіне
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Загадкавую смерць манахіні расследуюць у Гомелі
- З 7 дзецьмі пасля 25 сутак вядомы прапаведнік пакінуў Беларусь
- У Ізраілі католікі з Беларусі спакойна перажылі атаку Ірана, але «вайна дастала»