У Беларусі арганізуюць дабрачынную вандроўку па палацах і святынях
- Written by katolik-gomel.by
- Published in Царква
- Add new comment
Кожны, хто далучыцца да вандроўкі, дасць магчымасць бясплатна паехаць і аднаму чалавеку з інваліднасцю.
Зімовыя святы і асабліва Раство Хрыстовае - цудоўны час для добрых справаў. Таму вернікаў заклікаюць далучыцца да дабрачыннасці і ўзяць удзел у праекце «Дабрачыннае Мінскае кола». 25 студзеня плануецца арганізаваць вандроўку супольна з рэспубліканскім грамадскім аб'яднаннем «Беларуская асацыяцыя дапамогі дзецям-інвалідам і маладым інвалідам» у межах праекту «Мастацтва за інклюзію людзей з інваліднасцю». Кожны чалавек, які далучыцца да вандроўкі, зможа не толькі ўзяць удзел у найцікавейшай экскурсіі, але і дасць магчымасць бясплатна паехаць на гэтую вандроўку аднаму маладому чалавеку з інваліднасцю.
Гэтым разам аўтар і нязменны вядоўца серыі вандровак «Мінскае кола» па шляхецкіх сядзібах Міншчыны гісторык і экскурсавод Павал Каралёў цягам вандроўкі распавядзе пра дабрачыннасць мінскай шляхты ў 19 - пач. 20 стст. У праграме экскурсіі: Прылукі - палацава-паркавы і гаспадарчы комплекс Ашторпаў-Чапскіх з рамантычным неагатычным палацам 19 ст. Станькава - палацава-паркавы комплекс роду Чапскіх 19 ст., цудоўна адноўленая Мікалаеўская царква 19 ст. Узда - драўляны касцёл Узвіжання Святога Крыжа пач. 19 ст. і унікальная пірамідальная ўсыпальніца Завішаў. Кухцічы - кальвінскі збор 16 ст. і сядзіба Завішаў. Наднёман - сядзіба Якуба Наркевіча-Ёдка (дзе была створана першая метэаралагічная станцыя).
Маршрут (~ 220 км): Мінск - Прылукі - Станькава - Узда - Кухцічы - Наднёман - Мінск. Кошт вандроўкі: 250 тыс. бел. руб. дае магчымасць паехаць бясплатна яшчэ і аднаму маладому чалавеку з інваліднасцю. Запісацца на экскурсію можна па тэл. +375 29 1342804, +375 25 5458430 (Валерыя).
Related items
- Ці ўступаць у піянеры, спыталі ў вернікаў – частка адказаў здзівіла
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне