На масцы егіпецкай муміі знайшлі найстаражытнейшы фрагмент Евангелля
- Written by katolik-gomel.by
- Published in Царква
- Add new comment
Датаваць Евангелле атрымалася дзякуючы іншым дакументам з маскі (справавыя і асабістыя лісты), а таксама з дапамогай радыёвугляроднага метаду.
Найстаражытнейшы фрагмент Евангелля, напісаны ў першым стагоддзі нашай эры, знайшлі на масцы муміі егіпцян. Пра гэта паведамляе Live Science са спасылкай на канадскага даследчыка Новага Запавета Крэйга Эванса.
Фрагмент Евангелля ад Марка быў знойдзены на лісце папірусу, які быў утылізаваны ў пахавальнай масцы. Пахавальныя маскі егіпецкіх фараонаў вырабляліся з золата, але пры пахаванні простых людзей для вырабу пахавальнай маскі выкарыстоўваліся папірус (або лён), клей і фарба.
У апошнія гады навукоўцы навучыліся раствараць клей на такіх масках, не пашкоджваючы чарнілаў на папірусе, і такім чынам расшыфроўваць тэкст.
Датаваць Евангелля атрымалася дзякуючы іншым дакументам з маскі (справавыя і асабістыя лісты), а таксама з дапамогай радыёвугляроднага метаду.
Аднак да выйсця ў свет кнігі з расшыфраванымі папірусамі навукоўцы могуць прадставіць грамадскасці толькі мінімум інфармацыі па прычыне розных пагадненняў з уладальнікамі артэфактаў, музеямі і ўніверсітэтамі.
Таму змест тэксту пакуль не выдаецца. Выйсце кнігі запланавана на 2015 год.
На дадзены момант самыя старыя копіі Евангелля датуюцца II-III стагоддзямі, гэты ж тэкст, як паведамляе Карэспандэнт, быў напісаны раней за 90-ты год нашай эры.
Паводле risu.org.ua Catholic.by
Related items
- Месяцовае і сонечнае гало назіралі беларусы ў Вялікі тыдзень
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- «Дзіця электрычкі» вандруе па Беларусі ў пошуках цікавых храмаў і драўляных хат
- Спальванне пудзіла і святы Казімір: у Гродне сумесцяць «Казюкі» з Масленіцай
- На пахаванні беларускі Лізы ў Варшаве будуць маліцца прадстаўнікі трох канфесій