Ватыкан: міру не будзе, пакуль не знікне голад
- Written by katolik-gomel.by
- Published in Царква
- Comments (1)
У перыяд паміж 2012 і 2014 гадамі ад недаядання пакутавалі каля 805 млн. чалавек.
Апостальская Сталіца ў чарговы раз нагадала пра неабходнасць клопату аб экалогіі і пераадолення няроўнасці ў сферы размеркавання прадуктаў харчавання. “Чалавецтва не будзе жыць у міры, пакуль праблема голаду не будзе пераможана, пакуль будуць суіснаваць тыя, хто штодзённа банкетуе і тыя, хто пад іх дзвярыма, ці ў іншым кутку планеты, памірае ад голаду”, - гаворыцца ў дакуменце “Зямля і хлеб” Папскай рады “Iustitia et pax”. У звароце, які быў апублікаваны 20 лютага 2015 г., нагадваецца пра фундаментальнае права чалавека на ежу, якое непасрэдна звязана з правам на жыццё. Прадукты харчавання не павінны лічыцца звычайным “таварам”, таму неабходна пазбягаць культуры марнатраўства.
У “практычнай” частцы ватыканскага дакумента адзначаецца, што клопат аб навакольным асяроддзі і барацьбу з голадам трэба пачынаць з абароны чалавечага жыцця. Супярэчліва бараніць экалогію і спрыяць развіццю без клопату пра самаго чалавека, адзначаецца ў звароце.
Апостальская Сталіца заклікае да большых інвестыцый у праекты, накіраваныя на дасягненне карысных для грамадства і навакольнага асяроддзя вынікаў, падтрымку вытворцаў сельскагаспадарчай прадукцыі, магчымасці выканання жанчынамі сваёй фундаментальнай ролі, паляпшэнне кіравання рэсурсамі, барацьбу са спекуляцыяй, адукацыю інвестараў, прадпрымальнікаў і палітыкаў.
Паводле статыстыкі Харчовай і сельскагаспадарчай арганізацыі ААН, якая прыводзіцца ў дакуменце, у перыяд паміж 2012 і 2014 гадамі ад недаядання пакутавалі каля 805 млн. чалавек.
Related items
- Ці ўступаць у піянеры, спыталі ў вернікаў – частка адказаў здзівіла
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- З 7 дзецьмі пасля 25 сутак вядомы прапаведнік пакінуў Беларусь
- Беларусы даказваюць у судах «польскія карані» – з дапамогай веры
RSS-стужка каментароў гэтага запiсу