Першая беларуская джазавая Імша прагучыць у Мінску

Малады беларускі кампазітар Андрэй Саўрыцкі напісаў першую ў Беларусі Імшу для саліста і хора ў джазавым настроі. Аўтар твору — лаўрэат Нацыянальнай музычнай прэміі «Лепшы аранжыроўшчык 2014 году».

У імпрэзе ўдзельнічаюць саліст Леў Казакевіч і Студэнцкі хор Беларускай дзяржаўнай акадэміі музыкі пад кіраўніцтвам Інэсы Бадзякі. Таксама прагучыць папуры на тэму беларускіх калядак.

Канцэрт адбудзецца 14 снежня ў 19.00 у Зале Нацыянальнай школы прыгажосці па адрэсе вул. Мельнікайтэ, 4, паведамляе Catholic.by

Чытайце таксама аб джазавай Імшы Дэйва Брубека і глядзіце відэа >>>