У будынку кляштара 18 ст адкрыюць фабрыку, краму ці кафэ
- Written by katolik-gomel.by
- Published in Царква
- Add new comment
Былы каталіцкі кляштар пад Брэстам выстаўлены на аўкцыён.
Брэсцкі аблвыканкам апублікаваў паведамленне аб адкрытым аўкцыёне па продажы аб'ектаў, якія знаходзяцца ў дзяржаўнай уласнасці. Сярод іх - будынак склада-гаража ў горадзе Высокае Камянецкага раёна. Аднапавярховы будынак плошчай 1 тыс. квадратных метраў прапануюць арандаваць на 50 гадоў для размяшчэння аб'ектаў прамысловай вытворчасці, грамадскага харчавання, гандлю, паслуг. Пачатковы кошт паніжаны на 80% і выстаўлены ў памеры 83,4 мільёны рублёў.
Пабудова мае статус гісторыка-культурнай каштоўнасці і з'яўляецца будынкам былога кляштара каталіцкага ордэна баніфратраў. Ён быў пабудаваны ў 1785 годзе па даручэнню Аляксандра Сапегі, канцлера Вялікага княства Літоўскага. Пры кляштары была арганізавана аптэка і лякарня для сялянаў на 40 ложкаў, ён дзейнічаў да 1840 года, калі яго зачынілі расійскія ўлады. У апошні час будынак выкарыстоўвалася як склад-гараж.
Аўкцыён адбудзецца 18 снежня 2015 г. у 11.00 у будынку Брэсцкага аблвыканкама.
Related items
- Святары з Шуміліна застаюцца ў зняволенні, таксама арыштавана парафіянка
- Не Галівуд: беларускія святары запусцілі круты праект з асновай на рэальных фактах
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам