Біскуп выклаў у Фэйсбук відэа ката, які «моліцца»

Сакавік 1, 2016
Written by katolik-gomel.by
Published in Царква
Add new comment

Гадаванец сястры біскупа стаіць на задніх лапах і просіць пачастункі.

Дапаможны біскуп Мінска-Магілёўскай архідыяцэзіі Рыма-каталіцкай царквы ў Беларусі Аляксандр Яшэўскі SDB размясціў на сваёй старонцы ў Facebook незвычайнае відэа з кацянём. Кароткі ролік паказвае, як жывёла стаіць на задніх лапах, пры гэтым пярэднія лапы кот склаў быццам для малітвы і просіць пачастункі.

- Вось што ўмее рабіць кот Моця маёй сястрычкі Наталлі! Малайчынка Моця! - з такім каментаром біскуп выклаў сваё відэа. Дарэчы, за дзве гадзіны яго паглядзелі ўжо каля 200 чалавек.

Нагадаем, самы малады каталіцкі біскуп Беларусі Аляксандр Яшэўскі SDB першым адкрыў асабістую старонку ў сацсетцы і з'яўляецца яе актыўным карыстальнікам.