Мінскія католікі далучаюцца да абароны Курапатаў

Люты 24, 2017
Written by katolik-gomel.by
Published in Царква
Add new comment

На месцы масавых расстрэлаў рэпрэсаваных будуюць бізнэс-цэнтр.

У суполцы «Каталікі Беларусі» ў Фэйсбуку вернікі абмяркоўваюць свой удзел у абароне Курапатаў. Ля ўрочышча, дзе адбываліся масавыя расстрэлы рэпрэсаваных і дзе дагэтуль знаходзяцца парэшткі забітых, вядзецца будаўніцтва бізнэс-цэнтру. Грамадскія актывісты паставілі намётавы лагер побач з месцам будаўніцтва, да пратэсту далучыліся «зялёныя» і мясцовыя жыхары.

- У суполцы шмат каталікоў-мінчукоў. Давайце мо актывізоўвацца, падцягвацца ў Курапаты і падтрымліваць пратэстоўцаў? Хто як і калі можа, канешне. Малітвай, удзелам, або цёплай гарбатай. Усё ж сапраўды месца святое, ды і нашая гісторыя як-ніяк, - піша адна з удзельніц суполкі Марына.

- Могілкі - гэта поле бою Царквы, - адзначае верніца Ціна.

Некаторыя католікі пішуць, што ўжо прымаюць удзел у абароне ўрочышча ад будаўнікоў. І сёння, 24 лютага, усіх неабыякавых заклікаюць прыехаць у Курапаты а 7-8-й гадзіне вечара.