Святар: прысутнасць помнікаў Леніну абражае пачуцці вернікаў
- Written by katolik-gomel.by
- Published in Царква
- Add new comment
У Беларусі 400 помнікаў Леніну, якія па-ранейшаму з'яўляюцца ідаламі.
Каталіцкі святар, пробашч парафіі святога Антонія ў Віцебску кс. Вячаслаў Барок выказаў меркаванне на сваёй старонцы ў Фэйсбуку, што прысутнасць помнікаў Леніну абражае пачуцці хрысціянскіх вернікаў:
- Ленін - злачынца. Тыя, хто бароніць «ідалаў-ленінаў», - злачынцы таксама. Ніводзін хрысціянін не можа сказаць, што прысутнасць падобных ідалаў у нашых гарадах і вёсках не абражае яго рэлігійных пачуццяў.
У каментарах вернікі падтрымалі святара. Напрыклад, мінчанка Юлія піша:
- Добра, калі б аб гэтым часцей казалі святары. Бо ў людзей, на жаль, такая каша ў галаве, што твае ж вернікі гатовыя забіць за Леніна, Пуціна, Савецкі Саюз...
Нагадаем, крывавая рэвалюцыя Леніна ў 1917 годзе прынесла не толькі мноства ахвяр, але і болей чым на 70 год загнала многія народы ў палон таталітарызму і атэізму. Акрамя таго, па некаторых дадзеных, Ленін даваў прамыя ўказанні аб арыштах і расстрэлах святароў і вернікаў, руйнаванні святыняў.
Тым не менш ў большасці гарадоў Беларусі - пасля 25 гадоў распаду Савецкага Саюза - працягваюць стаяць помнікі Леніну на цэнтральных плошчах. Гэтыя манументы даглядаюць, зберагаюць як гістарычную і культурную каштоўнасць, ускладаюць да іх кветкі. Па падліках краязнаўцаў, цяпер у Беларусі застаецца прыкладна 400 помнікаў Леніну, з іх каля 15 - у Мінску.
Media
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»