BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Фотафакт: бусел будуе гняздо ля крыжа на разбураным касцёле

Каталіцкі храм у вёсцы Зембін зачынілі пры савецкай уладзе.

Кранаючае фота: бусел будуе гняздо прама ля крыжа старадаўняга разбуранага касцёла ў вёсцы Зембін. Здымак зрабіў гэтай вясной фотакарэспандэнт агенцтва «Франс-Прэс» Сяргей Гапон (AFP/Sergei Gapon). Фота патрапіла ў топ лепшых здымкаў тыдня.

Зембін - вёска ў Барысаўскім раёне Мінскай вобласці Беларусі. Мясцовы каталіцкі храм Унебаўзяцця Найсвяцейшай Панны Марыі доўгі час з'яўляўся галоўным храмам дамініканскага кляштара, заснаванага ў 1640 годзе. Праз 150 гадоў здарыўся пажар, які знішчыў драўляны будынак. На яго месцы ў 1809-м узвялі новы цагляны касцёл. У архітэктуры храма гарманічна спалучаюцца рысы барока і класіцызму. Зембінскі кляштар пацярпеў падчас напалеонаўскіх войнаў, затым касцёл канфіскавалі царскія ўлады. Толькі ў пачатку XX стагоддзя ён зноў адкрыў свае дзверы для вернікаў. Але ў 1932 годзе, пры савецкай уладзе, прайшла хваля рэлігійных рэпрэсій і набажэнствы спыніліся. Храм пачаў паступова разбурацца. Сёння ад яго засталіся толькі сцены і манументальны франтон, упрыгожаны статуяй Маці Божай. Але нават у такім стане касцёл стварае моцнае ўражанне.

Дадаць каментарый

Ахоўны код
Абнавіць