«Дастукаліся да Нябёсаў». Фота і відэа #ddn18 у Instagram

VII фестываль хрысціянскай музыкі «Дастукацца да нябёсаў» 10 лютага прайшоў у Баранавічах. У мясцовай зале ДК «Тэкстыльшчыкаў» выступілі вядомыя маладым католікам беларускія музычныя калектывы «The Crossway», «Подых Духа», NG YOUTH, «Небасхіл», «Рыбы» і «OPEN». Арганізатарам фестывалю быў душпастыр моладзі Пінскай дыяцэзіі Рымска-каталіцкай царквы кс. Павел Рудзьман.

Канцэрт прайшоў пры поўным аншлагу, уваход быў вольны. Сотні маладых вернікаў з розных куткоў Беларусі спявалі і танчылі пад любімыя песні пра Бога, слухалі сведчанні музыкаў. Адразу пасля канцэрту ў сацсетках моладзь пачала дзяліцца ўражаннямі:

- Гэта рэальна крута з такімі хлопцамі! Дзякуй усім удзельнікам і арганізатарам! Было неверагодна крута!

- Вось яно, шчасце! І хочацца пра гэта закрычаць! Гэта была мая перазагрузка. Я больш ні за што не вярнуся назад. Якое было правіла вечара? Расслабіцца-адпачыць-дастукацца да Нябёсаў. Чаму такога не было ў мяне ў горадзе?

- Гэта было мега-супер-праслаўленне. Мая мара спраўдзілася - пабываць на такім праслаўленні. Я вельмі ўдзячная Богу за гэты мега-круты канцэрт. Дзякуй усім хрысціянскім гуртам!

Публікуем некалькі фота і відэа з фестывалю. Поўную відэаверсію канцэрту можна паглядзець унізе гэтай старонкі.