«Мне не сорамна». Піяры арганізавалі флэшмоб у сацсетках

Верасень 18, 2018
Written by Katolik.life
Published in Царква
Add new comment

Евангелізацыйныя фота просяць дасылаць у новую хрысціянскую групу моладзі Шчучына.

Новая хрысціянская старонка піярскай моладзі ў Шчучыне Беседка.by запрашае ўсіх паўдзельнічаць у фота-евангелізацыйным праекце і тым самым, не саромеючыся іншых, выказаць звычайнымі словамі сваю веру.

- Для гэтага неабходная фатаграфія, на якой Вы трымаеце ліст паперы з надпісам: «Мяне завуць ...! І мне не сорамна сказаць, што я веру ў Езуса Хрыста!», - паведамляецца ў групе ў сацсетцы. - Быць можа, шмат каго з Вашых сяброў гэта звычайна-незвычайны фотаздымак падштурхне да адвагі і гонару за сваю веру!

Евангелізацыйныя фота арганізатары просяць дасылаць у групу ці пакідаць іх як каментарах да адпаведнага посту. Пазней іх размесцяць як асобную навіну на старонцы Беседка.by.

Першым сваю фатаграфію у флэшмобе размясціў Віталь Слука SP, айцец піяр, які служыць для моладзі ў Шчучыне.