«Святая Карона, маліся за нас». 14 траўня - дзень посту і малітвы аб спыненні пандэміі
- Written by KATOLIK.LIFE
- Published in Царква
- Add new comment
Далучыцца да ініцыятывы заклікалі вызнаўцаў усіх рэлігій
Папа Рымскі Францішак заклікаў вызнаўцаў усіх рэлігій далучыцца да малітвы аб завяршэнні пандэміі каронавіруса 14 траўня. Сёння - Дзень малітвы і посту, каб прасіць аб Божай міласэрнасці і літасці ў гэты трагічны перыяд пандэміі.
У Дзень малітвы і посту людзі розных рэлігій закліканы звярнуцца да Бога, просячы аб ратаванні чалавецтва і дапамозе перад абліччам пандэміі, вяртанні бяспекі, стабільнасці, здароўя і развіцця, аб больш гуманным і братэрскім свеце.
Пастаянная рада Канферэнцыі каталіцкіх біскупаў у Беларусі таксама заклікала ва ўсіх парафіях правесці адмысловае набажэнства, а вернікаў запрасіла да посту і ўчынкаў міласэрнасці ў інтэнцыі спынення пандэміі.
Цікава, што 14 траўня ў Каталіцкай царкве ўзгадваюць святую Карону, мучаніцы першых стагоддзяў хрысціянства і заступніцы ад эпідэмій. Дакладных звестак аб гэтай святой няшмат. Лічыцца, што яна нарадзілася ў ІІ стагоддзі, прыняла мучаніцкую смерць за веру - разам са сваім мужам Віктарам. Сужэнцы лічацца ўзорам вернасці ў веры і ахоўнікамі ад эпідэмій.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў