На працы ў касцёле ў Будславе не хапае 400 тыс. рублёў

Верасень 3, 2021
Written by KATOLIK.LIFE
Published in Царква
Add new comment

Вядуцца актыўныя працы па ўмацаванні купалу і ўзвядзенні новага даху, збор ахвяраванняў працягваецца

На пазачарговым пленарным пасяджэнні біскупскай канферэнцыі 2 верасня заслухалі справаздачу аб ліквідацыі наступстваў пажару ў Нацыянальным санктуарыі Маці Божай Будслаўскай. Старшыня спецыяльнай камісіі біскуп Аляксандр Яшэўскі пазнаёміў з ходам прац па рэканструкцыі касцёла ў Будславе. Як зазначыў іерарх, яшчэ нестае прынамсі 400 тыс. рублёў, неабходных на завяршэнне этапу ўступнай кансервацыі, які папярэднічае працы па грунтоўнай рэстаўрацыі, паведамляе Catholic.by.

Нагадаем, фізічныя і юрыдычныя асобы ўжо пералічылі ахвяраванні на агульную суму звыш 1 млн рублёў. Гэтыя сродкі выкарысталі на аплату праектных і рамонтна-будаўнічых работ у касцёле, авансы падрадчыкам, экспертызы, закупку матэрыялаў і іншыя мэтавыя патрэбы.

Біскупы выразілі падзяку вернікам і ўсім ахвярадаўцам за малітоўную і матэрыяльную дапамогу. Збор ахвяраванняў працягваецца па рэквізітах >>>

Last modified onПятніца, 10 Верасень 2021 09:32

Tagged under