Фотафакт: у Ватыкане пачалося развітанне з Папам Бэнэдыктам XVI

Студзень 2, 2023
Written by KATOLIK.LIFE
Published in Царква
Add new comment

Тысячы людзей стаяць у чарзе, якая расцягнулася на ўсю плошчу Святога Пятра

У Ватыкане 2 студзеня пачалося развітанне з Папам эмерытам Бэнэдыктам XVI, які адыйшоў у вечнасць 31 снежня ва ўзросце 95 гадоў. Ягонае цела без труны знаходзіцца ў базыліцы Святога Пятра. Чарга людзей, якія прыйшлі развітацца з былым Пантыфікам, расцягнулася па ўсёй плошчы Святога Пятра.

Базыліка адчынена ў панядзелак з 9.00 да 19.00, у аўторак і сераду – з 7.00 да 19.00. Пахавальныя ўрачыстасці, якія ўзначаліць Папа Францішак, пройдуць на плошчы Святога Пятра ў чацвер 5 студзеня ў 9.30 па рымскім часе. Квіткі для ўдзелу не прадугледжаны. У пахаванні прымуць удзел афіцыйныя дэлегацыі Германіі і Італіі.

Фота: Reuters, AP, трансляцыя Vatican News