#НасустрачРаству – праводзім Адвэнт разам з грэка-католікамі Беларусі

Рыма-каталіцкія вернікі 3 снежня ўваходзяць у Адвэнт – час радаснага чакання і духоўнай падрыхтоўкі да Божага Нараджэння. Прапануем гэты час праводзіць у тым ліку і з грэка-католікамі Беларусі, якія на сваіх старонках у сацсетках пачалі цыкл адпаведных публікацый.

Штодзённа ў Facebook і Вконтакте з'яўляюцца разважанні на тэму прыходу ў свет Збаўцы аўтарства грэка-каталіцкага іерарха Ўладыкі Багдана Дзюраха – Апостальскага экзарха ў Нямеччыне і краінах Скандынавіі. Кожнае разважанне ў перакладзе на беларускую мову мае пэўную тэму і заканчваецца адпаведнай малітвай.

Наш канал в Telegram – только интересное и важное. Подписаться >

Паколькі ў грэка-католікаў час падрыхтоўкі да Божага Нараджэння ахоплівае больш працяглы перыяд – налічвае 40 дзён і мае назву «Піліпаўскі пост» – публікацыі з разважаннямі пачаліся раней Адвэнту. Знайсці цяперашнія і ранейшыя публікацыі, а таксама сачыць за будучымі, можна з дапамогай хэштэга #НасустрачРаству