Прабег на самакатах зладзілі на Вялікдзень манахіні ў Мінску

Каталіцкія сёстры дамініканкі ў Мінску зладзілі «Пасхальныя старты». Падчас святкавання Вялікадня, 31 сакавіка, яны праехалі на электрасамакатах па веладарожцы і апублікавалі фота і відэа са святочнага прабегу ў гісторыях на сваіх старонках у сацсетках (глядзіце ніжэй).

Нагадаем, найбольш папулярны паблік дамініканак у Беларусі – у Instagram. Яны выкладваюць кароткія ролікі, у якіх у папулярнай, сучаснай і даступнай форме распавядаюць і паказваюць, што значыць быць дамініканкай, а таксама развейваюць стэрэатыпы пра манаскае жыццё. Акрамя таго, сёстры публікуюць разнастайныя відэа пад рубрыкамі «Вера свядомая», «ДНК малітвы», «Знакі і сімвалы хрысціянства», «Духоўныя лайфхакі».

Манахіні актыўна абнаўляюць свае сацсеткі, проста і разумна тлумачаць складаныя пытанні, распавядаюць пра сваё паўсядзеннае жыцце і адпачынак.