Масавыя працэсіі Божага Цела прайшлі па вуліцах гарадоў Беларусі
- Written by KATOLIK.LIFE
- Published in Царква
- Add new comment
Ад сталіцы да мястэчак – католікі правялі ў населеных пунктах Беларусі працэсіі Божага Цела, каб засведчыць аб веры, прасіць Бога аб абароне і дабраславенні.
Каталіцкія вернікі ў Беларусі 2 чэрвеня правялі масавыя агульнагарадскія працэсіі Божага Цела – у Мінску, Віцебску, Гомелі, Магілёве і ў іншых населеных пунктах. У сталіцы ўрачыстая працэсія прайшла па цэнтры горада з удзелам біскупаў, святароў, соцень вернікаў. Раней, 30 траўня, працэсіі Божага Цела прайшлі ў Гродне і некаторых райцэнтрах.
Гэта штогадовая "маніфестацыі веры", прысвечаная святу Найсвяцейшага Цела і Крыві Хрыста. Вернікі праходзяць па цэнтральных вуліцах, каб дабраславіць горад, дамы і працоўныя месцы, маліцца аб тым, каб Гасподзь зберагаў ад голаду і вайны, каб нагадаць пра ахвяру і любоў Хрыста, засведчыць аб сваёй веры.
Наперадзе Эўхарыстычнай працэсіі ідуць дзеці ў белай вопратцы, яны высцілаюць пялёсткамі кветак дарогу для Езуса Хрыста. Ягонае Цела пад выглядам хлеба нясе святар у манстрацыі. Па дарозе працэсія спявае і здзяйсняе прыпынкі ля чатырох алтароў для пакланення Целу Хрыста, малітвы і чытання Евангелля.
У некаторых гарадах, напрыклад, у Іўі, ёсць традыцыя ўпрыгожваць кветкавымі дыванамі падыход да алтароў. Дываны з пялёсткаў таксама высцілаюць для Езуса Хрыста – у знак Яго шанавання і веры ў Ягоную рэальную прысутнасць у Эўхарыстычным Хлебе.
Ніжэй глядзіце фота са старонак Гродзенскай семінарыі, грэка-католікаў Гродна, парафіі ў Глыбокім, санктуарыя ў Лагішыне. Далей, асобнай устаўкай з Instagram – Іўеўскага дэканата.
Related items
-
Ці верыў Васіль Быкаў у Бога і што казаў пра рэлігію ў Беларусі – фрагменты інтэрв'ю
-
Звыш 500 тысяч ахоўных медальёнаў перадаў беларус ва Украіну
-
Мемарыял ахвярам рэпрэсій аднавілі католікі ў расійскім Беластоку
-
«Бывала, на пяць хвілін прарывалася Імша». Як выглядае рэлігійнае жыццё ў турме
-
Маці салдата, які загінуў пасля ранення на мяжы Польшчы і Беларусі «З верай глядзім угору»