У полі пад птушыны «хор»: як праходзяць Імшы пры крыжах, паказалі на Гродзеншчыне

Чэрвень 7, 2024
Written by KATOLIK.LIFE
Published in Царква
Add new comment

Парафія апублікавала жывапісныя здымкі і відэа, а таксама паказала, як вернікі ўсталёўвалі новы прыдарожны крыж.

Парафія святога Юрыя ў Варнянах Астравецкага раёна працягвае ўсталёўваць новыя прыдарожныя крыжы ў вёсках, якія адносяцца да парафіі, і праводзіць ля гэтых крыжоў святыя Імшы.

Пра апошнюю такую падзею парафія распавяла ў сваім Instagram у пачатку чэрвеня. У вёсцы Дзірмуны адбылося асвячэнне новага крыжа, які нядаўна ўсталявалі мясцовыя вернікі. Таксама пробашч парафіі адправіў там святую Імшу ў інтэнцыі жыхароў вёскі. Парафія апублікавала жывапісныя здымкі і відэа (глядзіце ніжэй), на якім чуваць, як Эўхарыстыя адбываецца ў суправаджэнні «хору птушак».

Акрамя таго, парафія паказала, як мужчыны ўсталёўвалі новы прыдарожны крыж, ля якога цяпер моляцца мясцовыя вернікі.