Рэдкай падзеяй адзначылі Вадохрышча ў Гудагаі

Студзень 12, 2025
Written by KATOLIK.LIFE
Published in Царква
Add new comment

Бацька пахрысціўся разам са сваім дзіцем у касцёле.

Свята Хросту Пана, якое сёлета ў католікаў прыпала на 12 студзеня, у санктуарыі ў Гудагаі адзначылі падвойным хростам — нованароджанай і яе бацькі. Такое здараецца рэдка.

Фотафакт сакрамэнту хросту Мікіты і Ясі апублікаваў санктуарый у сацсетках (глядзіце ніжэй). У посце не гаворыцца пра тое, што разам з дзяўчынкай прыняў хрост і яе бацька, але гэта становіцца зразумелым пры ўважлівым праглядзе здымкаў. Мужчыну не пахрысцілі ў дзяцінстве, і цяпер ён вырашыў прыняць сакрамэнт разам з дачкой.

Падрабязна пра свята Хросту Пана і пра тое, чаму бацькам важна ахрысціць сваё дзіця як мага хутчэй, а не чакаць, пакуль яно вырасце і само прыме такое рашэнне, распавядаў багаслоў.