Гэта варта ўбачыць: топ-7 фота з фэсту ў Гудагаі

Ліпень 20, 2025
Written by KATOLIK.LIFE
Published in Царква
Add new comment

Найбольш яркімі момантамі свята сталі Крыжовы шлях, начная працэсія, галоўная Імша.

У пасёлку Гудагай Астравецкага раёну 19-20 ліпеня прайшлі адпустовыя ўрачыстасці ў гонар Маці Божай Шкаплернай. У вядомым санктуарыі, дзе служаць айцы кармэліты, сабраліся шматлікія пілігрымы, у тым ліку байкеры і веласіпедысты.

Святыя Імшы ў межах урачыстасці адпраўлялі тры біскупы, галоўную цэлебрацыю ўзначаліў арцыбіскуп эмэрыт Тадэвуш Кандрусевіч.

А найбольш яркімі момантамі свята сталі Крыжовы шлях па гудагайскай Кальварыі (маршрут праходзіць праз палі і лясы і мае працягласць 3,5 кіламетры), начная працэсія са свечкамі, галоўная адпустовая Імша.

Здымкі з усіх падзей урачыстасці парафія апублікавала на сваёй старонцы ў сацсетцы. Выбралі 7 найбольш яркіх фота.