Масква, Саратаў, Нароўля. Арцыбіскуп Тадэвуш Кандрусевіч – рэкардсмен у душпастырскіх візітах

Некаторыя беларускія біскупы здзяйсняюць шмат душпастырскіх візітаў у розныя куткі краіны, аднак «рэкардсменам» тут смела можна назваць арцыбіскупа эмэрыта Тадэвуша Кандрусевіча. Ён актыўна наведвае каталіцкія супольнасці не толькі Беларусі, але і Расіі, пры чым маючы 79-гадовы ўзрост і анкалагічную хваробу, лячэнне якой працягваецца.

Нягледзячы на такія цяжкасці Бог дае арцыбіскупу моц духу і цела, каб ён не спыняў служэнне.

Толькі з пачатку кастрычніка ганаровы беларускі іерарх паспеў здзейсніць паездкі як па парафіях Беларусі, так і на далёкія адлегласці ў Расію: арцыбіскуп Кандрусевіч прапаведваў і адпраўляў святыя Імшы ў мясцовых супольнасцях у Маскве, Санкт-Пецярбургу, Саратаве.

І вось ужо праз некалькі дзён іерарх зноў адправіўся ў падарожжа у глыбінку Беларусі: 18 кастрычніка ён узначаліў свята 35-годдзя адраджэння каталіцкай парафіі ў Нароўлі – райцэнтры ў чарнобыльскай зоне. Падчас урачыстай святой Імшы арцыбіскуп удзяліў сакрамэнт канфірмацыі 25 вернікам.

Менавіта Тадэвуш Кандрусевіч, будучы ў той час першым біскупам Беларусі, спрычыніўся да пачатку адраджэння парафіі і прызначыў першага пробашча, які распачаў будаўніцтва касцёлаў у Грушаўцы і Нароўлі.

Наш канал в Telegram – только интересное и важное. Подписаться >