Велікапосныя рэкалекцыі пройдуць у Гомелі - РАСКЛАД

У бліжэйшую нядзелю, 22 сакавіка, у гомельскай рыма-каталіцкай парафіі пачнуцца велікапосныя духоўныя практыкаванні. Весці рэкалекцыі будзе пробашч вядомай сваёй багатай гісторыяй парафіі Перамянення Пана ў вёсцы Новая Мыш айцец Павел Врубель. Святар - выпускнік Пінскай духоўнай семінарыі - ужо мае добры досвед правядзення рэкалекцый.

Слова «рэкалекцыі» у перакладзе з лацінскай мовы азначае «зноў збіраць нешта раскіданае». Духоўныя практыкаванні штогод ладзяцца ў перыяд Вялікага посту, каб дапамагчы вернікам рыхтавацца да святкавання Вялікадня, даюць ўбачыць, што трэба змяніць у жыцці. Таксама рэкалекцыі раскрываюць сакрэт Літургіі пакаяння, даючы магчымасць змагацца са сваімі слабасцямі, абапіраючыся на Госпада.

Рэкалекцыі будуць праходзіць падчас Святой Імшы. Расклад духоўных практыкаванняў: Нядзеля - 9.00, 12.00 і 17.00. Панядзелак - 8.00 і 18.30. Аўторак - 8.00 і 19.00 (Літургіі пакаяння).