Будаўніцтва новага касцёла ў Гомелі вынеслі на грамадскае абмеркаванне
- Written by katolik-gomel.by
- Published in Навіны - Гомель
- Comments (5)
Каталіцкі храм можа быць пабудаваны на ўскраіне горада ў Савецкім раёне ля скульптуры «Рысь».
Стала вядома аб новым месцы, якое можа быць выдзелена гарадскімі ўладамі ў Гомелі пад будаўніцтва каталіцкага храма Ўнебаўзяцця Найсвяцейшай Панны Марыі. Адміністрацыя Савецкага раёна запрашае гомельцаў абмеркаваць магчымасць будаўніцтва касцёла на Рэчыцкім праспекце каля скульптуры «Рысь» - недалёка ад канчатковага прыпынку тралейбусаў «Сонечны», на выездзе з горада. Пад будаўніцтва плануецца выдзелiць зямельны ўчастак плошчай 0,77 га.
Грамадскае абмеркаванне праекта будзе доўжыцца 3-27 жніўня. У пісьмовым выглядзе свае прапановы можна пакінуць у скрыні на першым паверсе адміністрацыі раёна або накіраваць па электроннай пошце sovadmin@list.ru, а таксама выказаць па тэлефоне 40-60-28. Прапановы будуць аналізаваць спецыялісты абласной архітэктурна горадабудаўнічай рады.
Плануецца, што касцёл будзе мець класічны выгляд і будзе пабудаваны ў неагатычным стылі. Каталіцкая парафія, знішчаная бальшавікамі ў 1938 годзе, была адноўлена па ініцыятыве біскупа Казіміра Велікасельца і была зарэгістравана ў пачатку 2013 года, з гэтага часу вядзецца ўзгадненне аб выдзяленні ўчастка пад будаўніцтва касцёла.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Месяцовае і сонечнае гало назіралі беларусы ў Вялікі тыдзень
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
Это мы уже давно проходили!!!
В Новобелицком районе был зарегистрирован другой приход - Ангелов-Храните лей. Речь шла о возможном строительстве храма около РМПЦ в Детской деревне, но пока - это вопрос: katolik-gomel.by/.../...
RSS-стужка каментароў гэтага запiсу