У Дзень роднай мовы ў Гомелі маліліся за любоў да беларускай культуры, гісторыі і мовы
- Written by katolik-gomel.by
- Published in Навіны - Гомель
- Comments (11)
«Калі бацькі не будуць клапаціцца пра тое, каб дзеці ганарыліся сваёй беларускасцю, культурай і мовай, - тады і нашы старанні марныя».
21 лютага, у Міжнародны дзень роднай мовы, у гомельскай рыма-каталіцкай парафіі маліліся за павагу і любоў беларусаў да сваёй гісторыі, культуры і мовы. Пробашч парафіі айцец Славамір Ласкоўскі таксама прысвяціў гэтай тэме сваю пропаведзь.
- Вельмі важна ведаць, хто ты, адкуль ты. Таму важна, каб дзеці ведалі сваю родную мову. Гэта ненармальна, калі ў школах вучаць беларускай мове як замежнай. Але без Духа Божага зразумець гэта цяжка. Калі мая родная краіна Польшча была захоплена Аўстрыяй, Расіяй і Прусіяй, акупанты забаранілі польскую мову, але народ, нягледзячы на гэта, больш за сто гадоў размаўляў па-польску і выстаяў. Няхай гэта будзе прыкладам для вас. Маліцеся аб тым, каб у Беларусі ўсё стала на свае месцы, - звярнуўся да вернікаў святар.
Звычайна падчас Імшы ў гомельскім касцёле чытанні з Бібліі і казанне святара праводзяцца на рускай мове, паколькі многія парафіяне дрэнна разумеюць беларускую мову. Аднак у Дзень роднай мовы, па ініцыятыве некаторых вернікаў, вырашана было правесці Імшу цалкам па-беларуску.
- Нашай місіяй з'яўляецца евангелізацыя ўсіх народаў, усіх, хто жыве ў Беларусі. Гомельшчына - такі куток, дзе абсалютная большасць размаўляе на рускай мове. І нельга не прымаць гэтага фактару. Ведаць, да каго ты прыйшоў, і з кім маеш справу - таксама праява мудрасці, - кажа пробашч. - Але хочам падштурхнуць вернікаў, каб любілі сваю, беларускую мову, аднак калі гэтага працэсу не будзе ўнутры сем'яў, і бацькі не будуць клапаціцца пра тое, каб дзеці ганарыліся сваёй беларускасцю, культурай і мовай, якая зусім не горш, чым руская ці польская - тады і нашы старанні марныя.
Міжнародны дзень роднай мовы быў заснаваны рашэннем 30-й сесіі Генеральнай канферэнцыі ЮНЕСКА ў 1999 годзе з мэтай абароны моўнай і культурнай разнастайнасці. Паводле ацэнак ЮНЕСКА палова з 6 тысяч моў свету знаходзіцца пад пагрозай знікнення. Міжнародны дзень роднай мовы адзначаецца 21 лютага, паколькі ў гэты дзень у 1952 годзе пакістанская паліцыя расстраляла прыхільнікаў прызнання бенгальскай мовы ў якасці афіцыйнай мовы ва ўсходнім Пакістане (Бангладэш).
Related items
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
Прыслаць святара? Думаеце, гэта так лёгка? Думаеце, у нас шмат святароў-белару саў? Іх, на жаль, вельмі не хапае! Настолькі не хапае, што сюды давялося ехаць святару з Польшчы.
І нас пробашч кс. Славамір насамрэч ведае беларускую мову лепей за большасць парафіянаў, і заўсёды гаворыць аб тым, што мову трэба вучыць і паважаць,а зусім не затыкае рот, як вы кажаце.
Я чуў, што, нібыта, гомельскія ксяндзы па-расейску служаць. Але-ж служыць рэгулярна па-расейску ў Беларусі забаронена!!! Можна казаць казанні, каментары ці яшчэ што па-дробязі, апе літургічныя чытанні, спевы, традыцыйныя набажэнствы (літаніі, Крыжовы шлях, Песні жальбы) на расейскай мове весці ЗАБАРОНЕНА!!!
Звучит-то как! Силой принуждать будете?
RSS-стужка каментароў гэтага запiсу